Dili-Asidenti trafiku nebe’e akontese segunda (2/09), iha area Fatuhada hodi rezulta ema nain tolu mate, oras ne’e polisia tranzitu hahu ona prosesa investigasaun.
Tuir familia vitima Lobato Mota Perreira, nudar maun hosi matebian Alfredo Lobato ba jornalista, tersa (3/9), iha Kuartel Jeral PNTL hateten, nia mai akompanha polisia hodi halo investigasaun ba kondutor kareta nebe soke nia alin, hodi hatene lolos tamba sa mak kondutor ne’e bele soke nia alin.
Hau mai iha polisia nee para atu hodi hein no hateten lolos prosesu investigasaun ba iha kondoutor ne’ebe maka soke hau nia alin nee.tanba hau nia alin nee mate la ho sala ida nia atu korta hosi dalan sorin nia sei iha hela trotoar leten halo nusa maka kareta bele soke nia lori ba hospital mos la konsenge salva, dehan nia.
Iha fatin hanesan aman hosi mate bian Estudante Florindo dos Reis, Justinho dos Reis husu ba governu atu tau atensaun ba linha tranzitu nebe monta ona iha Estrada, atu nune’e bele hamenus numeru dezastre. Informasaun kompletu iha STL Jornal no STL Web, edisaun Kuarta (4/9). Sonia Ferreira/Martinha Gusmão
