DILI– Provedoria Direitus Humanus no Justisa (PDHJ) iha Janeiru to’o Juni 2013 konsege rejistu keixa 114, husi keixa hirak ne’e mal Administrasaun nebe akontese iha Kintu Governu konstitusional 70 no keisa kontra direitu humanus 44 nebe akontese iha nasaun Timor Leste.
Tuir Diretur Asitensia publiku Provedor Direitus Humanus no Justisa, Claudio do Rego katak PDHJ harii iha 2005 hodi hare iha diresaun Anti korrupsaun, governasaun diak, no mos direitus humanus nebe akontese iha Timor Leste.
“ Durante PDHJ hari ami konsere rejistu kazu mal Administrasaun komesa husi 2005 too iha 2012 hamutuk 908, taka kazu 126, arkivu 67, kona ba kazu kontra direitus humanus 438, arkivu 72, taka 161,” dehan Claudio ba Jornalista Segunda (08/07) iha nia knar fatin Kaikoli.
Nia husu ba populasaun sira kuandu hetan violasaun direitus humanus no mos iha mal administrasaun husi governu, oras ne’e PDHJ servisu hamutuk ho xefi suku sira fo fatin ba PDHJ hodi hatoo keixa ba iha PDHJ atu hetan lia loss. . Informasaun kompletu iha STL Jornal no STL Web, edisaun Tersa (9/7). Timotio Gusmão
