DILI – Hadia kualidade Edukasaun, Ministeriu Edukasaun (ME) ho ANAAA (Ajensia Nasional Avaliasaun Para Akreditasaun Akademika), sei fo sai rezultadu ba klase paralelo sira neebe mak iha tinan kotuk tama iha provatoriu.
Tuir Reitor IOB Augusto da Conceição katak, klase parerlo iha munisipiu sira oras nee ME ho ANAAA halao avaliasaun hotu ona, neebe iha provatoriu nia laran, hein katak avaliasaun ba provatoriu sira nee, sei fo sai rezultadu iha tempu badak nia laran tanba sira halo hotu ona avaliasaun.
Koalia kona ba kualidade parelelo ho central nee hanesan deit, tanba haree ba fasilidade no kualidade dosente no mos prosesu aprendizajen ba estudante husi sentral no paralelo rua nee sira dezenvolve hanesan hotu, laos balu dezenvlove balu deit balu lae,” katak Augusto ba STL Sesta (02/12/2016) liu husi via telefone.
Nia hatete katak, kona ba IOB nia klase paralelo oras nee iha 2 deit hanesan ida iha munisipiu Baucau no ida iha munisipiu Maliana, neebe husi 2 nee ida iha maliana hetan akreditasaun tiha ona iha tinan 2015, no iha iha Baucau hetan aprovatoriu iha tinan 2015.
Entretantu Diretor Jeral Servisu Kooperativus Ministeriu Edukasaun Antoninho Pires hatete, haree ba klase paralelo sira neebe mak universidade loke iha munisipiu, avaliasaun halo ona neebe balu laliu nee sira iha Lista atu fo sai para taka klase paralelo. Informasaun kompletu iha STL Jornal no STL Web, edisaun Sabado (3/12/2016). Guilhermina Franco / Jacinta Sequeira