DILI- Tribunal Distrital Dili (TDD) hatun desizaun ba kondenado Basquito Tilman ho pena prizaun tinan 18, tuir artigo 139 numero 1 alineia b ho c codigo penal TL. Tanba provado arguido lori besi baku mate vitima Agustinho Barreto.
Liu husi audensia julgamentu tribunal liu husi Presidenti Juis Kolektivo lee sai akuzasaun husi ministeriu publiko katak iha loron 18 fulan Janeiro 2013, tuku 1 dadersan madrugada arguido ho suspeito nain 3 ho mos testamunha 3 hemu hela serveza ABC iha Akademik PNTL nia oin. Depois lejado mos mai sosa bee botir ida iha gerobak nebe besik mos ho arguido sira.
Hatan ba akuzasaun ne’e arguidu hili nonok lakohi atu koalia tanba nia maka baku to’o lejadu mate iha fatin, tanba baku dala rua iha kanuruk husi kotuk. I nia rasik iha oan nain 2, ida mane bo’ot tinan 6 no ida ki’ik tinan 2. No nia mos arepende ba nia hahalok no lakohi halo tan iha futuro.
Arguido hili nonok no rekonese katak akuzasaun husi MP nian los hotu, nemak tribunal submete kedas ba iha alegasaun final hodi la presija atu rona deklarasaun husi parte testamunha sira. Parte MP husu ba tribunal atu aplika pena prizaun tinan 11, tanba arguido praktika krime omesido agravadu tuir artigu 139 alinea a ho c codigo penal TL nian.
Entertantu parte defeza husu ba tribunal atu aplika pena omesido neglijenti, tuir artigu 140 codigo penal TL nian. Informasaun kompletu iha STL Jornal no STL Web, edisaun Sabado (21/6/2014). Domingas Gomes
