Baku Rahun Vidru Janela, Eis Veteranus Dada Filipe Ba Tribunal

DILI-Lezadu Augostu Pereira nudar eis veteranus dada arguidu Filipe Borges ba hatan iha tribunal, tanba estraga no baku rahun nia vidru janela 20 neebe ho folin $500.

Liu husi audensia julgamentu juiz prosesu hatete, krime danu simplest nee ho natureza semi publiku lei fo dalan ba tribunal atu halo konsolidasaun ba lezadu no arguidu atu dame malu. Sekuandu lezadu prontu atu dada fali kazu nee, arguidu tenke husu deskulpa no selu indimizasaun ruma ba lezadu.

Hatan ba kestaun nee lezadu Augostu Pereira hatete, nia prontu atu dada fali kazu nee, sekuandu iha tribunal nia oin arguidu prontu atu jura para bele disiplina ba ema boot. Tanba nia parte mai hela iha uma neebe arguidu estraga nee partensia ba estadu nian, tanba nee nudar jovem tenke moris ho disiplina. Tanba jovem mak futuru nasaun nian, tenke respeita ema boot.

Iha biban nee tribunal husu ba arguidu para labele halo tan hahalok hanesan nee hasoru lezadu no ema seluk. Nomos tribunal husu ba arguidu para bele selu fali osan $200 ba sasan lezadu nian neebe mak arguidu estraga ona.

Responde ba kestaun nee arguidu deklara, nia prontu atu fo $200 ba lezadu. No jura iha tribunal nia oin sei la halo tan hahalok neebe hanesan iha futuru mai. Ho ida nee tribunal homolonga hikas kazu nee husi buletin krime nian. Informasaun kompletu iha STL Jornal no STL Web, edisaun Kinta (5/5/2016). Domingas Gomes

LEAVE A REPLY

Please enter your comment!
Please enter your name here