Baku Rahun Vidru Kareta, Eugenio Ameasa Tama Kadeia

DILI-Ministeriu Publiku (MP) akuza arguidu Eugenio da Silva tama prizaun fulan nen (6) no suspende tinan ida, tanba provadu komete krime danu simples.

Liu husi alegasaun final MP husu ba tribunal atu aplika pena prizaun fulan nen no suspende tinan ida ba arguidu Eugenio da Silva tanba lori aitonka baku rahun bidru janela kareta lezadu Roudaben Shadman. Husi arguidu nia hahalok nee prezudika lezadu tenke hasai fali $100 hodi hadia nia kareta.

Entertantu parte defesa husu ba tribunal atu absolve arguidu husi krime nee. Tanba arguidu ho kondisaun aleza ka ain sorin kleuk, labele atu halo buat ida. Ho ida nee husu ba tribunal atu haree mos ba sirkustansia sira nee.

Tuir akuzasaun husi MP katak, iha loron (27/06/2013) haleu tuku 14:30 iha kruzamentu estrada Dioseze Dili ho Otel Timor. Bainhira lezadu Roudaben Shadman ho kareta marka pajero IO numeru matrikula 23-488 liu husi dalan nee arguidu husi kotuk lori aitonka baku rahun janela bidru kareta nian.

Lezadu haree arguidu kontinua atu baku tan, lezadu tauk hodi halai ses tiha. Ho arguidu nia hahalok nee halo lezadu hasai osan $100 hodi hadia fali kareta nia bidru. Ho ida MP akuza arguidu hanesan autor material ba krime danu simples neebe previstu iha kodigu penal TL. Informasaun kompletu iha STL Jornal no STL Web, edisaun Tersa (28/6/2016). Domingas Gomes

LEAVE A REPLY

Please enter your comment!
Please enter your name here