Bankada 4 Hatoo Parabens Ba PR PN Foun, Bessa: PD Kompromete Kontribui ba Estabilidade Politik Rai Laran

DILI-Membru bankada 4 iha Parlamentu Nasional, hatoo sira nia deseju parabens ba Prezidente Parlamentu Nasional (PN) foun Aderito Hugo da Costa, neebe troka Prezidente Vicente Guterres.

Xefi bankada PD Maria Lourdes Bessa hatete, bankada Parlamentar Partidu Demokratiku hakarak fo agradesimentu ba CNRT neebe hamutuk ho koligasaun hahu iha tinan 2007 mai to 11 fulan Marsu 2016. Bankada PD mos hakarak agradese mos ba Frente Mudansa neebe maka lao hamutuk ho PD hodi fo nia koru maka aprova Planu estratejiku ba dezemvolvimentu no planu de asaun annual.

Partidu Demokratika apela ba partidu politika sira no ba instituisaun Estadu tomak atu hatur kultura de dialogu iha ita idak-idak nia pensamentu, plataforma politika no asaun politika hodi fo solusaun ba problema legal sira hotu neebe bele mosu, tamba laiha lei ida,” dehan Xefi bankada PD Bessa, liu husi deklarasaun votus, iha elisaun Prezidente PN Foun, Kinta (05/05/2016).

Iha fatin hanesan Xefi bankada Frente Mudansa Jose Luis Guterres hatete, lori bankada Frente Mudansa nia naran hakarak hatoo parabens ba Prezidente Parlamentu foun Aderito da Costa Hugo, neebe ohin eleje ona sai hanesan Prezidente iha Parlamentu Nasional nee hodi troka Prezidente Vicente Guterres.

Nunee mos Xefi bankada FRETILIN Aniceto Guterres hatete, deputadu Fretilin la partisipa iha meja PN, tanba obdese ba desijaun no orientasaun partidu nian, maibe Bankada Fretilin apoia mudansa iha meja Parlamentu no kolabora iha prosesu nee, laos tanba iha interesse ruma, maibe simplesmente atu assegura katak krise institusional neebe ema balun preokupa la akontese, no sei la akontese iha Parlamento ida nee. Informasaun kompletu iha STL Jornal no STL Web, edisaun Sesta (6/5/2016). Carme Ximenes

LEAVE A REPLY

Please enter your comment!
Please enter your name here