DILI- Maske bankada Opozisaun Fretilin iha uma fukun Parlamentu Nasional (PN), halo ona konsesus atu la Asumi kargu komisaun espesialidade PN, maibe Oras ne’e membru Bankada Opozisaun David Dias Ximenes Alias Mandati Asumi Kargu hanesan Prezidente komisaun B PN, laos responsabilidade Bankada Fretilin.
Relasiona ho Deputadu Bankada Opozisaun Nebe Asumi Kargu hanesan Prezidente Komisaun B, Xefi Bankada Fretilin Aniceto Guterres hatete Bankada Fretilin Laiha koinesementu ba mundasa nebe Akontese ba Prezidente Komisaun B PN.
Politika partidu nian seidauk muda no seidauk iha orentasaun foun Bankada Labele Aseita deputadu fretilin ninian atu asumi kargu ruma iha komisaun espesialidade Parlamentu Nasional, dehan Xefi Bankada Fretilin Aniceto Guterres, Liu husi Konferensia Imprensa Kinta (12/12/2013) iha Sala Bankada Fretilin PN.
Nia hatutan Bankada laiha kompetensia atu fo sansaun ruma ba deputadu ruma nebe latuir orentasaun no lina politika bankada ninian, tamba Bankada simu orentasaun husi Partidu tan ne’e Partidu mak iha kompetensia atu fo ou lafa sasaun ba deputadu Fretilin nebe kontra Politika partidu.
Entertantu Deputadu Bankada Fretilin, Atual Prezidente Komisaun B David Dias Ximenes “Mandati” esplika ohin loron sai Prezidente Komisaun Laiha problema, uluk mos hetan vota tan ne’e Laiha problema. Informasaun kompletu iha STL Jornal no STL Web, edisaun Sesta (13/13/2013). Timotio Gusmao
