Basa-Tebe Ana, Jose Ameasa Tama Kadeia

DILI-Ministeriu Publiku husu ba tribunal atu aplika pena prizaun tinan ida, suspende tinan rua ba arguidu Jose Martinho tanba basa lezada Ana Paula Sanches nia hasan dala hat (4) no tebe iha ain dala rua.

Liu husi alegasaun final, ministeriu publiku husu ba Tribunal atu aplika pena prizaun tinan ida, suspende tinan rua ba arguidu Jose Martinho tanba basa lezada Ana Paula Sanches nia hasan dala hat (4) no tebe iha ain dala rua. Entertantu husi parte defesa nia haree katak klaru arguidu komete duni krimi nee maibe arguidu mos deklara katak nia foin primieraves halo ida nee ba lezada, nia arepende tebes ba nia hahalok nee. Ho nee husu ba tribunal atu aplika pena prizaun fulan nen (6), suspende tinan ida (1), ba arguidu.

Tuir akuzasaun husi Ministeriu Publiku katak, iha loron 05 de Agostu 2015, tuku 07: 00 dadersan, iha Aldeia Sabulau, Suku Fatuboro, Postu Administrativu Maubara, Munisipiu Liquiça, lezada tula husi Hospital Nasional Guido Valedares (HNGV), Dili ba  uma Maubara, lezada foin tun husi bus,sem koalia buat ruma ho lezada, arguidu direitamentu basa dala hat iha lezada nia hasan sorin karuk no hasan sorin los, tebe dala rua iha lezada nia ain sorin karuk no los. Konsekuensia husi arguidu nia hahalok nee halo lezada hetan moras no bubu iha hasan no mos iha ain.

Arguidu halo hahalok forma neebe livre no konsientemente i la ignora karakter sensuravel nia konduta no arguidu mos hatene katak konduta aktu sira nee nudar aktu elisitu ka kontra lei  maibe aktua nafatin. Ho nunee arguidu Jose Martinho hanesanautor  material ba krimi  Violensia  Domestika no artigu 35 alinea B husi lei kontra violensia domestika lei nomeru 07/2010  ho forma ofensas integrade fizika simples neebe previstu iha artigu 145 kodiku penal Timor-Leste.

Hatan ba akuzasaun nee arguidu Jose Martinho hatete,  akuzasaun sira nee balun los no balun la los. Tanba iha momentu nee nia baku duni lezada hodi basa no tebe. Tanba lezada mai Dili haree nia moras durante semana tolu nia laran la fo hatene ba nia. Iha loron 05 de Agostu 2015, tuku 07:00 dadersan nia foin tun husi bus, sai mai foti nia sasan tau tiha hotu iha estrada ninin no arguidu baku direita nia depois dehan ”nusa o ba Dili la fo hatene hau”. Informasaun kompletu iha STL jornal no STL Web, edisaun Sabado (27/2/2016). Domingas Gomes

 

LEAVE A REPLY

Please enter your comment!
Please enter your name here