DILI-Ministeriu Publiku (MP) husu ba tribunal Distrital Dili (TDD), atu aplika pena suspesaun ba Arguidu Albino Correia amiasa ho pena suspensaun tinan 3 husi Ministeriu Publiku, tanba komete krime ofencas integridade fizika simples hasoru Lezada Grasilda Alves nudar nia eis kaben.
Ministeriu Publiku Akuza arguidu Albino Correa ho lezada moris hamutuk nudar fen ho laen iha tinan 1993, iha oan nain 6 Durante moris hamutuk sempre mosu problema tamba arguidu sempre diskonfia lejada la hanesan feto uluk.
Akuzasaun ne’e esplika mos Lezada la kontenti husu arguidu, mak arguidu tolok, no tuku iha lezada nia tilun hun dala rua no basa iha lezada nia hasan karuk ho los. Ho hahalok hirak ne’e Ministeriu Publiku akuza arguidu hanesan krime ofencas ba integridade fizika simples tuir artigu 145 kodigu penal Timor Leste.
Hafoin rona akuzasaun husi Ministeriu Publiku, arguidu Albino deklara ba tribunal katak akuzasaun refere iha balu los no balun lalos. Arguidu deklara la tuku lezada maibe nia basa deit lezada dala rua. Informasaun kompletu iha STL Jornal no STL web, edisaun Sesta (28/6). Timotio Gusmão
