Bobonaro Nakloke Ba Estagiadu Universidade

MALIANA-Munisipiu Bobonaro nakloke luan ba estagiadu Universidade Oriental (Unital) no universidade sira seluk, hateten Secretario autoridade Municipal Bobonaro, Julio Carvalho Caeiro.

Oras nee dadaun, estudante finalista Unital halao pratika estagizo iha area autoridade Municipal Bobonaro.

Iha tinan 17 nia laran, ami simu ona estudante finalista husi universidade, institutu iha Timor Leste barak, mak mai halao ona estagio iha administrasaun autoridade Bobonaro. Mais, estudante finalista husi UNITAL, foin mak mai halao estagio iha fatin ida ne’e,” hateten Julio Carvalho Caeiro iha enseramento estagiado iha Administrasaun Autoridade Municipal Bobonaro, Maliana.

Nia hateten, odomatan edifici administrasaun autoridade Municipal Bobonaro nakloke ba estudante finalista husi universidade no instituto hotu iha Timor Leste. Realidade hatudu, administrasaun autoridade simu ona estudante finalista husi universidade no instituto lubun ida iha Timor Leste, mak halao pratika estagio.

Nia apresia ba autoridade UNITAL tamba koloka ona sira nia estudante finalista, ba dahuluk hili administrasaun autoridade Municipal Bobonaro, sai fatin ba estagio hodi kompleta teoria antes remata estudu iha universidade. Durante fulan ida, hahu iha loron 16, fulan Janeiro to’o loron 16 fulan Fevereiro, tinan 2017, estudante estagiado sai ona familiar ho funsionaris iha fatin pratika.

Nia husu ba autoridade UNITAL, ba futuru kria regras ida fo tempo naton, ba estudantes finalista sira mak halao pratika estagio iha baze. Tamba, tempo fulan ida deit, estudante finalista mak halao estagiado, atu labele gainha esperiensia barak husi baze, antes fila ba fatin hodi kompleta estudu iha Universidade.

Nia mos husu ba dosente orentador, ba futuru hamutuk autoridade iha baze halao monitorin serviso ba estudante finalista iha fatin estagio, atu hatene saida deit mak sai dezafiu. Iha moritorizasaun, mak hatene dezafiu estagiado sira, hodi hadia hamutuk, atu bele hakonu saida mak universidade nia hakarak hodi garante futuru estudante ida-idak nian.”Ba futuru ita kontinua kolabora serviso hamutuk. Odomatan autoridade Municipal Bobonaro nakloke nafatin ba estagiado foun, mak atu mai,” Julio hatete.

Entretantu, Administrador Sesante Municipio Bobonaro, Domingos Martins mos husu ba estudante finalista UNITAL sira mak remata estagio iha idificio hirak iha Maliana, atu buka nafatin esperiensia, antes aplika teoria iha fatin serviso ruma. Tamba, teoria sira mak hetan iha universidade sei la to’o, atu serviso iha institutasaun estado, institusaun privado, maibe esperiensia, liu husi pratika importante, atu aumenta tan kapasidade ema –ida-idak nian.

Dosente Orentador, Aristiris hatete, estagio hanesan fase importante ida mak univesidade no institusaun iha mundu akademiku halao, antes remata estudu iha univesidade. Estudante finalista hirak ne’e, durante periodu tinan hirak nia laran, simu ona teoria lubun ida, husi dosente iha universidade. Estagio parte ida, hodi kompleta teoria iha univrsidade, liu husi apoiu dadus iha ida-idak nia eskripsi. João Mau Leto

 

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...