CNE Aprova Kalendariu Operasional Eleisaun Prezidensial 2017

DILI– Komisaun Nasional Eleisaun (CNE) hanesan orgaun independente aprova ona kalendariu operasional ba eleisaun prezidensial tinan 2017, hafoin Prezidente Republika (PR) dekreta data eleisaun iha dia 16 Janeiru no publika kalendariu operasaun eleitoral husi STAE iha jornal republika dia 17 too 24.

Tuir Sekretariu Komisaun Nasional Eleisaun (CNE), Bernardo Cardoso hatete katak, CNE aprova ona kalendariu operasional ba eleisaun prezidensial tinan 2017, nudar pasu preparasaun ba eleisaun prezidensial.

Ohin ami konvida STAE mai aprezenta kalendariu atividade ba eleisaun prezidensial 2017, ami apresia no aprova kalendariu nee,” dehan Sekretariu Komisaun Nasional Eleisaun (CNE), Bernardo ba jornalista iha nia knar fatin CNE, Caicoli-Dili, Segunda (30/01/2017).

Sekretariu CNE, Bernardo haktuir, iha kalendariu operasional ba eleisaun prezidensial 2017 nee dehan iha loron 17 Janeiru no loron 5 fulan Fevereiru 2017 aprezentasaun kandidatura PR ba Supremiu Tribunal Justisa (STJ).

Nia hatutan, loron 19 fulan Marsu distribui material eleisaun husi munisipiu no RAEOA kada sentro votasaun no iha loron 20 Marsu 2017 hanesan loron votasaun, kontajen inisial iha sentro votasaun no mos transporta marial husi sentro votasaun ba aputamentu munisipiu.

Iha sorin seluk, Diretor Jeral STAE, Acilino Manuel Branco dehan, prezensa STAE iha CNE hodi aprezenta kalendariu operasional ba eleisaun prezidensial tinan 2017. Informasaun kompletu iha STL jornal no STL Web, edisaun Tersa (31/1/2017). Raimundo S. Fraga

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...