DILI-Prezidente Interinu Comisaun Nasional das Elisaun (CNE) Fransisco de Vasconselhos halao inkontru ho Prezidente Republika (PR) Taur Matan Ruak, hodi deskuti kestaun falsifikasaun dokumentu, tamba kestaun falsifikasaun dokumentus agora a’as iha Timor Leste (TL).
Ba jornalista sira, prezidenti Interinu CNE Francisco hateten alende informa situasaun resensiamentu iha Guinne Bissau sira mos deskute konaba falsifikasaun dokumentus nebe akontese a’as tebes iha rai laran.
Ami mai informa konba ita nia resensiamentu iha rai laran, ita hotu hatene katak falsifikasaun dokomentu nee aas tebes, ema sira nebe seidauk idozu, maibee konsidera aan idozus tamba factor seluk, Falsifikasaun dokumentu nee ami seidauk hatene numeru fiksu, mais husi Kupang, Atambua no Indonesia sira nee mai, hotu-hotu falsifika dokumentus tamba programa idozu no subsidiu nia, tamba nee maka ita seidauk iha lei nebee klaru konaba ema nebee husi liur, tamba ita nia lei sei fraku tebes, tamba nee ami CNE nia perokupasaun mak koalia ho PR oinsa PR suporta no koalia ho Governu para resolve situasaun sira nee, hateten Prezidente Interinu CNE Fransisco, ba jornalista sira iha Palasiu Prezidensial Aitrak Laran, Dili, Kinta (09/01/2014).
Tuir Prezidente Republika Taur Matan Ruak mos, apou sira nia servisu. Tamba ne’e PR husu ba CNE, agora ba oin prezisa servisu makas liu tan, hodi redus no halakon falsifikasaun dokumentus. Informasaun kompletu iha STL Jornal no STL Web, edisaun Sesta (10/1/2014). Joao Anibal