CNE Submete Rezultadu Segunda Volta Ba Tribunal Rekursu

DILI, STLNEWS.co – Prezidente Komisaun Nasional Eleisaun (CNE – sigla portugues) Jose Belo akompanha husi nia Komisariu nain haat (4) seluk, submete ona rezultadu eleisaun prezidensial segunda volta tinan 2022-2027 ba Tribunal Rekursu (TR).

Hafoin submete tiha rezultadu eleisaun prezidensial segunda volta nian ba TR, Prezidente CNE Jose Belo afirma, ohin parte CNE lori rezultadu eleisaun prezidensial segunda vota nian mai tribunal atu halo nia validasaun.

“Hafoin CNE halo tiha apuramentu nasional durante oras 72 sei iha tan verifika akta sira nee hodi haree didiak, no ami iha tan oras 24 ba reprezenta kandidatu Prezidente Republika nain rua numeru sorteiu ida no rua  atu halo reklamasaun, maibe la iha reklamasaun mak ami ohin lori mai ona,” dehan nia ba jornalista sira iha Tribunal Rekursu, Kaikoli, Kinta nee (28/04/2022).

Nia dehan, CNE konklui ona nia parte, agora parte Tribunal Rekursu iha oras 72 konformi tuir lei haruka hodi halo validasaun ba akta eleisaun prezidensial  segunda vota nian.

“Depois ida nee mak tribunal sei proklama rezultadu prezidensial segunda volta nian,” dehan Prezidente CNE Jose Belo.

Entretantu, rezultadu apuramentu nasional neebe halo husi CNE, Kandidatu Prezidente Republika Jose Ramos Horta hetan votus 398.028 ekivale ba 62,1%, enkuantu kandidatu Prezidente Republika Francisco Guterres Lu Olo hetan votus 242.239 ekivale ba 37,9 %.

Enkuantu total eleitor hamutuk 859.925, ema neebe tuir vota hamutuk 646.389, votu validu 640.967 (99,16), votu braku 1.643 (0,25%), votu nulu 3.734 (0,58%) votu rejeitadu 28 (0,00%) no votu abandonadu iha 15.

(ter)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...