CNRT Kontinua Hametin Estrutura Iha Baze, Fiar An Manan Eleisaun 2017

AILEU – Partidu Congresu Nasional Rekonstruksaun Timor Leste (CNRT) oras nee kontinua hametin estrutura iha iha Timor laran tomak, liu-liu iha baze hodi bele manan eleisaun iha tinan 2017.

Tui membru Klibur Profesional P-CNRT, Natalino do Santos ba STL iha Suku Fatu Rasa, Postu Administrativu Remecio, Municipiu Aileu Sabado (17/09/2016) wainhira remata halo konsolidasaun ba estrutura Partidu CNRT, inklui hasoru malu ho militante no simpatizante hatete objetivu husi konsolidasaun nee atu habelar informsaun partidu nian too iha baze hodi perpara an ba eleisaun tinan 2017.

Konsolidasaun hanesan programa rutina partidu CNRT nian atu fahe informsaun no reforsa estrutura tomak hodi kontinua habelar too iha baze hodi perpara an ba eleisaun 2017. Konsolidasaun nee mos atu rona perkupasaun no sujestaun husi estrutura militante no simpatijante sira nian ba partidu no ami fiar katak eleisaun 2017 sei manan tan dala ida iha Faturasa,” hatete Natalino.

Nia dehan partidu politiku liu-liu CNRT hasoru malu ho nia estrutura, militante no simpatijante laos deit hein iha tempu kampaina, maibe sempre tun iha baze hodi rona no identifika nia kuadrus tomak atu nunee bele haforsa liu tan no perpara ba eleisaun saida deit liu-liu eleisaun jeral 2017.

Iha fatin hanesan Koordenador Partidu CNRT Suku Fatu Rasa, Afonso Henrique Araujo mos hatete, Suku Fatu Rasa hanesan baze ou knuk CNRT nian, tanba CNRT sempre manan maioria iha eleisaun 2007, 2012 no nia fiar katak 2017 CNRT sei kontinua manan. Informasaun kompletu iha STL Jornal no STL Web, edisaun Tersa (20/9/2016). Thomas Sanches

LEAVE A REPLY

Please enter your comment!
Please enter your name here