DILI- Bispu Diocese Dili Dom Alberto Ricardo da Silva husu timor oan Atu labele Involve Aan iha asaun Droga, tamba Aimoruk droga iha mundu estraga vida umanu nian hodi estraga futuru joventude sira iha nasaun Timor Leste.
Tuir Bispu Diocese Dili Dom Alberto katak kestaun droga, timor oan presiza fo apelu ba malu atu kuidadu aan, tamba aimoruk droga iha mundu estraga ema nia futuru, tan ne’e Timor oan labele involve aan iha asaun droga.
Ita timor oan presiza prera ita nia aan liu-liu joventude sira, timor oan hotu-hotu mane ho feto tenki eveita droga atu nune ita nia saude diak, matenek neon nain, foti ita nia nasaun, ita nia povu no ita nia soseidade, dehan Dom Alberto ba Jornalista (05/07/2013) hafoin misa iha misa Agradesementu Aniversariu Seminariu Propedeutico Sao Joao Maria Vianey Maloa, Ailok laran ba Dala XXI.
Iha parte seluk Ministru Justisa Dionisio Babo katak, governu Timor Leste oras ne’e komesa forma ona timor oan balun atu halo testa ba Aimoruk Droga nebe tama iha Timor Leste nomos sei halo Asina akordu ho Malaysia, atu halo testa ba droga nebe mak kaer iha Timor Leste. Informasaun kompletu iha STL Jornal no STL Web, edisaun Tersa (6/8). Timotio Gusmão-Tomas Sanches