DILI—Amu Bispu Diosece Dili, Dom Alberto Ricardo da Silva husu ba Timor oan hotu, liu-liu joventude sira, atu hado’ok an husi prostitusaun, sexu livre no poligami, tamba hahalok sira ne’e bele estraga future.
Kestaun ne’e, D. Alberto fo sai liub husi ninia homilia iha misa hodi inagurasaun, Kapela Maria Auxiladora, Beduku, Suku Tibar, Domingu (1/9), hodi husu ba joventutude tomak atu hadok hahalok prostitusaun.
Ita nia hahalok at, monu iha sala pekadu, ne’e vida ladiak ita nia esperansa ba aban bainrua ladiak, tenke hadok an husi prostituisaun, dok husi poligamia, dok husi sexu livre, kuandu imi dok husi ne’e Timor ne’e ema sei la sama, tanba dadauk ema barak matan lakan ba ita nia osan mean, mina rai, marmer, osan mean, ne’eduni Timor tenke hare malu, kuandu ita oho malu entaun ida ne’e bior liu, hatete Amu Ricardo.
Nia hatutan importante maka tenke hadok an husi hahalok at, monu iha sala pekadu, liliu mos ba feto sira ne’ebe hakarak hemu aimoruk hodi estraga labarik, ida ne’e sala boot, kuandu oho bebe oan. Informasaun kompletu iha STL Jornal no STL web, edisaun Tersa (3/9). Oscar Salsinha
