Dalan Viqueque-Lakluta Hanesan Mota Kuak

DILI-Setor agrikultura, estrada, bee mos, edukasaun, no uma imfermeiru sai prioridade ba Postu Administrativa Lakluta, Viqueque. Hanesan estrada, husi Buikare ba Luca no Lakluta kondisaun dalan grave tebes. Kondisaun dalan haree hanesan mota kuak.

Tamba nee, estrada sai prioridade ba komunidade Lakluta. Tenki hadia hodi fasilita movimentu komunidade lor-loron, fasilita transporte publiku ba-mai ajuda komunidade buka moris, lori sira nia produtu ba merkdu, hateten Administrador Postu Lakluta, Jose Andrade dos Santos iha Salaun MSS Caicoli, Dili, Kinta (23/2/2017).

Nia dehan, estrada husi Viqueque Vila ba Luca tama kategoria estrada nasional, entretantu Luca ba Lakluta tama kategoria estrada munisipiu. Sira nia parte hatama proposta barak ona ba nasional maibe too agora laiha realidade.

Neduni, ho Planeamento Investemento Integradu Munisipiu (PIIM) tinan 2018, programa prioridade balu bele realiza iha Lakluta, liliu hadia kondisaun estrada no irigasaun. Iha Lakluta, irigasaun boot tolu aat hotu, hanesan Irigasaun Aitar, Wekruk, no Wereka.

Irigasaun tolu nee aat deste tinan 2012, too agora povu sira iha neba, lahalo natar. Bee laiha atu halo natar. Tamba nee, nia husu MAP fo atensaun ba irigasaun fatin tolu nee. Desde tinan 2012, populasaun sira nia natar kuaze 120 hektares abandona.

Alende estrada no irigasaun, too agora komunidade Lakluta barak mak seidauk asesu electrisidade. MOP-TK presiza fo atensaun setores rua nee.

Entretantu, husi Uma Fukun PN, Dili, membru Bankada CNRT Brigida Corea mos rekoinese, oinsa kondisaun dalan husi Viqueque Vila ba Lakluta.

Ita haree hanesan mota kuak. Ita lahatene, estrada mak neebe i mota kuak mak neebe. Kondisaun estrada aat liu. Defikultura tebes komunidade ba transporte hodi tula sira nia produtu ba faan iha merkdu,” hateten Brigida Corea.

Nia husu ba MOP-TK presiza tau konsiderasaun ba kondisaun estrada Viqueque ba Lakluta. Pelumenus, ateru netik raihenek no fatuk ruma hodi taka netik kondisaun dalan kuak-kuak iha neba. Semana hira liuba, nia dehan, sira ba Lakluta halo enkontru ho xefi suku sira. Lider komunitaria Lakluta hatoo preokupasaun barak tebes konaba kondisaun estrada. Augusto da Costa

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...