DILI- Reprezentante Povu Iha uma Fukun Paralamentu Nasional (PN) husi Bloku Koligasaun no Bloku Opozisaun, Aprova Orsamentu Jeral Estadu (OJE) 2014 ho Votus Unanimidade, Proposta orsamentu nebe Governu propoin ho montante Biliaun 1.5 Dolar Amerikanu.
Dabate OJE iha Generalidade nebe Halao Iha Uma Fukun Parlamentu Nasional entre kintu governu Konstitusional ho Reprejentante Povu, halao durante loron tolu, ikus mai Aprova ho Votus Afavor 65 Kontra 0 no Abstensaun 0, tan ne’e Aprova ho Votus Unanimidade.
Liu husi Diskusaun iha Aprezentasaun Orsamentu ba loron Tolu, Sabdu (11/01/2014) Deputadu Bankada Fretilin Joaquim dos Santos husu ba Primeiru Ministru (PM) Kay Rala Xanana Gusmao atu hasai Membru Governu nebe la iha kapasidade, hodi ejekuta Orsamentu no mos Hatun Nivel Diretores sira.
Primeiru Ministru Diak liu hasai Ministru no Sekretariu Estadu nebe mak laiha kapasidade hodi Ejekuta orsamentu no mos Hatun Nivel Diretures sira nebe laiha kapasidade hodi zere orsamentu tamba osan nebe mak Aprova lakonsege Ejekuta, dehan Deputadu Joaquim Amaral iha Uma Fukun Parlamentu Nasional.
Iha fatin Hanesan Deputadu Bankada PD Virgilio Hornai Hatete nia parte aseita politika Poupansa nebe hatun iha tinan ne’e, hodi halo redusaun orsamentu nebe mak rajuavel liu-liu ba iha kapasidade ejekusaun.
Nune mos iha Aprezentasaun OJE 2014 Iha uma Fukun Parlamentu Nasional Primeiru Ministru Kay Rala Xanana Gusmão Hatete OJE 2014 nebe governu Propoin ho Valor biliaun 1.5 atu nesidade dezemvolvimentu no nesesidade atu tau matan ba Inflasaun. Informasaun kompletu iha STL Jornal no STL Web, edisaun Segunda (13/1/2014). Timotio Gusmão