Defisil Hapara Fini Importasaun

DILI – Defisil governu hapara produtu fini importasaun tanba Timor Leste (TL) seidauk iha fini neebe Sufisiente atu fahe ba agrikultor sira iha baze, realidade produsaun sei menus.

Preokupasaun nee fo sai husi Reprezentante povu iha uma fukun parlamentu Nasional, Deputadu Manuel Salsinha ba STL Kinta (02/03/2017) iha nia knaar fatin PN.

Ita hare ba produsaun iha rai laran nee seidauk Sufisiente atu faan iha merkadu rai laran, signifika katak, ita seidauk iha fini neebe adekuadu atu fahe ba povu agrikultor sira kuda hodi garante produsaun produtu agrikula iha rai laran. Tanba nee, susar tebes governu atu hapara fini importasaun husi rai liur, produsaun rai laran sei kiik,”informa Deputadu Manuel.

Nia mos informa liu tan katak, governu dehan halo ona esforsu boot hodi hapara fini importasaun husi rai liur, maibe hanesan reprezenta povu sei la fiar tanba, halo komparasaun ba produsaun rai laran menus, no atu hola fini iha neebe hodi fahe tutan ba agrikultor sira.

Iha fatin hanesan Deputadu Pedro Martires hatutan, karik governu fo sai ona atu hapara fini importasaun husi rai liur, maka ida nee hanesan informasaun diak tanba, governu halo ona esforsu ho povu agrikultor sira iha baze hodi hasae produsaun, depois bele hapara fini importasaun.

Hau hanoin tarjetu governu nian dehan fini rai laran Sufisiente ona maka, ita bele hapara fini importasaun tanba, ita iha ona fini rasik atu fahe ba agrikultor sira atu kuda iha rai laran,”informa Deputadu Pedro.

Hatan ba preokupasaun nee Ministru Agrikultura e Peskas, Estanislau da Silva hateten, durante nee governu halo hela esorsu boot oinsa atu servisu hamutuk ho povu agrikultor sira hodi hapara fini importasaun husi rai liur.

“Ita nia fini rai laran Sufisiente ona tanba nee, governu bele hapara ona fini importasaun husi rai liur, fini haree no fini batar, ita komesa produs ona iha rai laran no importasaun komesa hapara dadauk ona, ida nee hatudu duni progresu boot ida ba ita tanba, durante nee ita depende makas ba fini importasaun maibe, agora la importa tan ona,”informa Ministru Agrikultura. Madalena Horta

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...