DILI-Relasiona ho deklarasaun Primeiru Ministru (PM) Xanana Gusmão hodi kritika makas ba juis internasional sira, laos atu minimiza no intervein juis sira nia servisu, maibe nudar jestu ida atu fanu juis sira bele servisu diak liu tan.
Liafuan nee informa husi Ministru Justisa (MJ), Dionisio Babo Soares, ba jornalista sira foin lais nee. Nia hateten deklarasaun PM Xanana nian nee laos ba juis hotu, ne’e mos hanesan atu fanu instituisaun estado nian hotu atu servisu diak liu tan.
husu ba media hotu atu la bele halo fali kestaun ne’e sai polemika boot iha rai laran, tanba PM Xanana la intervein direita ba servisu juis sira nian, maibe koalia jeral deit ka hanesan kritika ida ba servidor hotu atu servi nasaun ne’e diak liu tan, dehan MJ Babo.
Antes ne’e Diretur ezekutivu Judisial System Monitoring Programme (JSMP) Luis de Oliveira Sampaio hatete relasiona ba kazu balun deit mak PM Xanana jeneraliza servisu juiz internasional nee ladun profesional. Tanba iha kazu balun juiz hirak nee mos halao servisu ho profesional. Informasaun kompletu iha STL Jornal no STL Web, edisaun Kinta (20/2/2014). Domingas Gomes