DILI – Diretor Komonikasaun Internasional Segunda (09/09) hamutuk ho jornalista Indonesia nian 13 halo vizita mai iha Timor Leste (TL).
Iha vizita ne’e tuir Diretor Komonikasaun Internasional, Selamatta Sembiring, hatete objetivu vijita ne’e atu halo kobertura ba mundansa Dezenvolvimentu ne’ebe mak lao iha Timor Leste.
Delegasaun hosi Indonesia hamutuk 17 ne’ebe maioria jornalista halo vizita mai TL atu halo kobertura ba iha mudansa dezenvolvimentu iha TL no seluk tan atu fo sai ba povu Indonesia atu nune’e povu Indonesia bele hatene saida mak lao no akontese iha Timor durante ne’e atu nune’e relasaun nasaun rua ne’e bele sai diak liu tan, hatete Selamatta Sembiring.
Diretor Komonikasaun Internasional Indonesian ne’e mos hatutan tan katak objetivu sigundu hosi vijita ne’e mak iha loron Kuarta (11/09) oin mai jornalista Indonesia sira ne’e sei kria forum diskusaun ida hamutuk ho jornalista sira iha Timor Leste hodi troka esperensia no matenek nomos buka dalan servisu hamutuk entre jornalista sira hosi nasaun rua ne’e.
Iha fatin hanesan Sekretariu Estadu Komonikasaun Soasial (SECOM), Nelio Isac, mos hatete ho vijita jornalista sira hosi nasaun Indonesia nian ne’e bele hakerek buat diak hanesan dezenvolvimentu ne’ebe mak lao durante ne’e. Informasaun kompletu iha STL Jornal no STL Web, edisaun Tersa (10/9). Tomas Sanches