DILI- Delegasaun Seitor Justisa Republika Demokratika Sao Tome Prinsipio, halo visita mai Timor Leste durante loron hat nia laran. Iha visita nee Seitor Justisa Sao Tome Prinsipio ho Seitor Justisa TL sei troka informasaun no halo estudu komparativo iha area justisa.
Ministru Justisa Deonisio Babo hatete, Presidenti Tribunal Supremiu Konstituisional Sao Tome Prinsipio nian ho PGR Sao Tome nian mak mai iha ne’e. Sira mai tanba hetan konvida husi TL rasik, atu troka informasaun no halo estudu komparativo.
Sira mos hakarak atu aprende liu husi ita sistema IT iha juistiisa nian. Tanba iha sistema informasaun nian nee, ita foin halo tinan hirak liu ba ho apoio Australia nian. Atu liga informasaun entre seitor justisa nebe sentralizadu iha IT nee ita nian kapas tebes. Tanba nemak sira hakarak mai atu aprende tan husi ita, oinsa mak bele estabelese iha Sao Tome Prinsipio, dehan Ministru Justisa Deonisio Babo.
Iha fatin hanesan Presidenti do Conselho Republika Demokratika Sao Tome Prinsipio, Jose Antonio de Vera Cruz Bandeira hatete, iha visita delegasaun ne’e hakarak atu troka informasaun no halo estudu komparativo. Nomos atu aprende liu tan sistema IT justisa iha TL. Informasaun kompletu iha STL Jornal no STL Web, edisaun Tersa (25/2/2014). Domingas Gomes