Desizaun Governu Lalos, Komunidade Bitirai Lahetan Electrisidade

DILI-Komunidade area SP-1 Bitirai, Suku Klakok, Postu Administrativu Fatuberlihu, Manufahi, too agora la asesu electrisidade. Komunidade konsidera, problema nee akontese tamba desizaun governu la klaru.

Desizaun politika governu lalos, loke dalan ba kompania sira hadau malu projetu EDTL iha neba.

Realidade akontese ba area SP-1 Bitirai, Suku Klakok. Too agora komunidade SP-1 Bitirai lahetan electrisidade. Diskonfia iha kompania balu mak hadau malu ba projetu EDTL iha area neba,” hateten Jorge Goncalves Tilman bainhira dadalia ho STL iha Edifisiu MSS Caicoli, Dili, Sesta (24/2/2017).

Problema hanesan akontese mos iha area Tatekar, Suku Fatuk Ahi, Fatuberlihu. Too agora uma kain 10 resin la asesu electrisidade. Area SP-1 Bitirai iha uma kain 125 ho populasaun 700 resin, too agora seidauk asesu electrisidade.

Konaba estrada, katak Jorge, sira nia kondisaun dalan diak hela. Movimentu transporte publiku sura loron lao hanesan babain, maibe too agora komunidade sira iha neba, seidauk kuda airin electrisidade. “Ami diskonfia, seidauk kuda airin electrisidade nee, tamba kompania balu sei hadau malu projetu EDTL iha ami nia area neba. Nee mak halo komunidade Bitirai too agora la asesu electrisidade,” hateten Jorge.

Ho preokupasaun nee nia husu ba MOP-TK atu fo importansia ba problema electrisidade iha Bitirai. Iha area Welaluhu, hela deit komunidade Bitirai mak seidauk asesu electrisidade. Entretantu, area Weleti SP-3, kondisaun estrada no ponte mak ladiak, maibe komunidade asesu ona EDTL.

Hatan preokupasaun nee Xefi Suku Klakok, Manuel Sarmento rekoinese problema electrisidade ba komunidade Bitirai. Iha Fatuberliu iha Suku 5, husi suku 5 nee, suku rua iha foho: Suku Bubusu no Fahinehan, nee seidauk asesu EDTL, entretantu suku tolu hanesan Klakok, Fatukahi no Kaikasa asesu ona EDTL. Komunidade Bitirai mak too agora seidauk asesu EDTL.

Atu hatene tambasa too agora seidauk asesu EDTL, katak Sarmento, nia sei esforsu buka hatene, tansa komunidade Bitirai too agora la asesu EDTL. Nia husu MOP-TK atu haree problema electrisidade no estrada iha sira nia area.

Komunidade Suku Matorek, Postu Admnistrativa Turiscai, Paulo Moniz hateten, iha Turiscai total suku 11. Husi numeru nee, suku tolu asesu ona EDTL, suku 7 seidauk. Suku tolu neebe hetan ona asesu EDTL mak, Suku Bermana, Manumera, no Kaimauk. Suku 7 neebe seidauk asesu EDTL mak hanesan, Suku Matorek, Mendelo, Orana, Liurai, Foholau, Fatukalo, no Lesuata. Too agora sira lahatene, tanbasa. Too agora mos laiha kompania ida atu lori airiin EDTL ba tau iha neeba. Nia husu MOP-TK presiza fo importansia ba problema nee. Augusto da Costa

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...