DILI-Reprezentante Povu iha uma fukun Parlamentu Nasional (PN), husu ba Ministeriu Turismu Comersiu no Industria no Ministeriu ESTATAL atu halo investigasaun, no fo sansaun ba administrador sub distritu balun nebe deskonfia Fa’an foss Ilegal iha Distritu Baucau.
Adiministrador Sub Distritu nebe deskonfia faan fos MTCI illegal ne’e mosu iha Distritu Baucau, fos hirak ne’e atu lori ba Xefe Suku 7, fo’os hamutuk Saka 1300 ho marka MCIA, maibe Adiministrador Sub Distritu ne’e faan iha tempu kalan.
Informasaun ne’e fo sai husi Deputada Brigida Coreia liu husi sesaun Plenaria Segunda (24/02/2014), katak nia parte lamenta tebes, Administrador sub distritu balun faan fos ho Marka MTCI husi governu atu fo apoiu ba povu nebe hetan dezastre naturais, maibe fan illegal ba komunidade sira ho presu kada saka $ 15 Dolar.
Hau simu informasaun direitamente husi komunidade nebe koalia ho hau hodi hato’o katak, administrador sub distritu fa’an fos iha kalan, hodi uza Kareta Estadu nian ho presu kada saka dolar $15, dehan Deputada Brigida.
Nune’e mos deputadu Bankada Fretilin Manuel Castro husu ba Ministeriu Turismu Komersiu no Industria (MTCI), tenki loke investigasaun didiak hodi investiga administrador sub distritu ne’e hodi fo sansaun. Informasaun kompletu iha STL Jornal no STL Web, edisaun Kuarta (26/2/2014). Timotio Gusmao