Deskonfia Autor Rama Ambon, Tribunal Aplika TIR Ba Arguidu 3

DILI- Tribunal Distrital Dili aplika aprezentasaun periodika fulan ida dala rua ba arguidu nain tolu ho inisial MFS, MB no FG, tanba deskonfia hanesan autor ba krime homesidu agravadu neebe mak akontese iha Hudi Laran.

Liu husi prosesu primeiru interogatoriu tribunal aplika TIR ka aprezentasaun periodika fulan ida dala rua ba arguidu nain tolu ho inisial MFS, MB no FG, tanba deskonfia hanesan autor ba krime homesidu agravadu neebe mak ministeriu publiku akuza ba sira.

Arguidu nain tolu nee, tuir Komandante JERAL PNTL Komisario Julio da Costa Hornay katak, sira identifika ona autor balu neebe maka deskonfia hana ema iha tempu kalan komandu PNTL seidauk halo kapturasaun ba ema hirak neebe maka PNTL rasik identifika ona, tamba sei hein mandadu husi Trinunal.

Nia hatutan bainhira komandu jeral PNTL maka hetan ona mandadu husi tribunal, maka polisia sei ba halo detensaun ba autor hirak ne’ebe maka deskonfia durante nee halo aktus hanesan hana ema, polisia sei ezekuta mandadu husi tribunal bainhira too mai iha meja komandu jeral PNTL.

Audensia nee prezide husi juiza Maria Modesta, reprezenta ministeriu publiku prokurador Ozorio de Deus no arguidu hetan assistensia legal husi defensor publiku Sebastiao Amado, Juana Pinto no advogadu privadu. Informasaun kompletu iha STL Jornal no STL Web, edisaun Kuarta (4/5/2016). Domingas Gomes

LEAVE A REPLY

Please enter your comment!
Please enter your name here