Deskonfia Distribuisaun Fos Armazen Tibar Mosu Mal-Gestaun

TIBAR – Deskonfia distribusaun fos iha Armazen fos Tibar mosu mal-Gestaun tamba fos neebe tama iha tinan 2014 seidauk distribui hotu, oras nee halo distribusaun fos neebe foin tama maske prosesu hatama fos ba Armazen seidauk hotu.

Tuir Deputadu Bankada Fretilin Aurelio Freitas Ribeiro neebe Vizita Armazen Fos Tibar hatete Orsamentu neebe mak aprova ba sosa fos iha 2015 foin tama ho tonelada 9 mil, atu halo distribuisaun ona maibe fos neebe mak tama 2014 sei iha 3 mil tonelada seiduak distribui hotu.

Hau Preokupa fos neebe tinan tuan neebe sei iha armazen 30 mil ital toneladas seidauk distribui maibe hasai fali fos neebe foin tama mais seidauk konfirmadu ho diak hau hare fos balun nia kilograma la to,” dehan Aurelio ba Jornalista Segunda (09/05/2016) iha Armazen Tibar.

Nia hatete kuandu halo gestaun neebe mak diak distribui uluk fos neebe sei iha tamba fos neebe rai iha armezen kleur liu mak fulan 6, maibe tinan rua ona seidauk distribui, agora halo tan distribusaun fos neebe foin tama.

Iha fatin hanesan Xefi Armazen Tibar, Tito da Costa  hatete fos neebe mak oras nee rai iha armazen tibar komesa iha tinan 2014 nian sei iha 3.010 ton ho kondisaun neebe diak maibe karon balun mak Aat tamba komesa husi pelabuhan tama udan ben kona tan nee Aat.

Nune mos Diretora Nasional Armazeniamentu, Sentru Logistika Nasional Zulmira Inacia Belo hatete rajaun halo distribusaun fos neebe mak foin tama iha armazen tibar tamba ministeriu edukasaun atu distribui fos ba iha merenda eskolar no orentasaun husi superior tamba nee halo tuir hodi halo distribuisaun. Informasaun kompletu iha STL Jornal no STL Web, edisaun Tersa (10/5/2016). Timotio Gusmao

 

LEAVE A REPLY

Please enter your comment!
Please enter your name here