DILI- Ministeriu publiku Notifika Isaquel Sooares Salsinha no Eusebio dos Santos Sai Argudiu tamba Deskonfia Komete krime Violensia Domestika no Ensendiu (uma Sunu) nebe mak akontese iha Ermera 2010.
Liu husi Audensia Julgamentu Arguidu Isaquel deklara ba tribunal Arguidu rekoinese baku, tuku no tuda Lezada Hermenia nebe hanesan Arguidu nia kaben tamba lezada Selingkuh ho Adolfo nebe Informa husi Arguidu Eusebio Dos Santos.
Tuir Esaquiel katak nia parte fiar Eusebio tamba Arguidu ne’e uma besik malu ho Lezada iha Ermera, problema selingkuh ne’e mosu wainhira Arguidu Esaquiel mai iha Dili hodi halao servisu, Eusebio informa mak ba iha Ermera hodi halo problema hasoru Herminia no sunu Adolfo nia uma.
Iha loron hanesan Arguidu Eusebio dos Santos deklara ba tribunal katak nia parte halo problema ho Adolfo, tamba Arguidu ne’e hetan Adolfo ho lezada hermina tuur hamutuk kuandu Arguidu hetan Adolfo halai.
Tribunal Konsege rona deklarasaun husi Lezada Herminha dos Santos katak iha loron 23 Novembru 2010, problema mosu tamba lezada koalia ho Adolfo nebe konsege hetan husi Eusebio maibe Adolfo halai, tan ne’e halo problema too sunu uma. Informasaun kompletu iha STL Jornal no STL Web, edisaun Sabado (27/7). Timotio Gusmão