DILI- Tribunal Distrital Dili (TDD) Segunda (11/11) halao julgamentu ba kazu violensia domestika nebe ministeriu akuza Idelfonso Marsal Corte-Real hanesan arguido no Veronica Soares hanesan lezada.
Liu husi audensia julgamentu, tribunal lee akuzasaun husi ministeriu publiko katak iha dia 8 de Abril 2013, arguido kaer vitima nia fuk hodi rasta no tuku tebe iha lezada nia isin lolon. No arguido mos buti lezada nia kakorok, hodi nunee vitima hakilar mak hodi hetan ajuda husi maluk vizinu sira.
Akontesimentu nee tanba lezada husu atu husu tuir deit telfone nebe tama iha arguido nia telfone. Momentu nee arguido nia kolega feto ida mak telfone mai hodi husu payung ba arguido atu lori fila ba nia kolega nebe telfone mai nee. Nunee arguido fila mai uma, lezada husu dehan feto ida telfone nee se. Ho ida nemak arguido fila hodi baku, tuku, rasta no buti lezada nia kakorok.
Iha fatin hanesan lezada Veronica Soares hatete, iha dia 8 de Abril 2013, simu telfone husi arguido nia kolega feto telfone dehan arguido atu lori payung ba rai. Mak arguido fila uma, nia oan mane bot dehan “pai ohin tia ida telfone mai”.
Depois rona tiha akuzasaun husi ministeriu publiko, no deklarasaun husi lezada, ministeriu publiko akuza pena prizaun tinan rua no suspende tinan tolu. Tanba iha kazu nee arguido halo kazu maestrados ba lezada. Informasaun kompletu iha STL Jornal no STL Web, edisaun Kuarta (13/11). Domingas Gomes