DILI-Deputadu Bankada FRETILIN Joaquim dos Santos, liu husi intervensaun iha Parlamentu Nasional hateten nia deskonfia iha oknum Polisia Nasional Timor Leste (PNTL) ho ajente estadu balun, hodi kilat ba kaza rusa.
Deputadu Joaquim fo sai kestaun ne’e relasiona ho proposta orsamentu, husi Sekretariu Estadu Seguransa (SES) nebe atu sosa tan kilat ba PNTL sira. Iha ajente balun uja fali kilat hodi ba kosa, ida ne’e persiza tau atensaun.
Ita sosa kilat no kilat musan nee, maibee membru Polisia balun ho ajente estadu balun ba kasa rusa, dalaruma ita bo’ot sira maka haruka karik, hau la kohi temi naran ida, tamba nee ita koalia ba osan, nee servisu estadu nian, tiru rusa mos servisu estadu nia karik, tamba nee prezisa esklarese situasaun ida nee intermus siguransa nian, dehan Deputadu Joaquim, liu husi intervensaun iha Parlamentu Nasional (PN), Tersa (21/01/2014).
Iha parte seluk Joventude Antero Gomes deklara los duni, iha PNTL balun uza kilat ba kasa rusa, tamba ne’e hanesan joventude no povu hakarak hato’o problema nee ba komadante PNTL. Informasaun kompletu iha STL Jornal no STL Web, edisaun Kinta (23/1/2014). Joao Anibal