DILI- Relasiona ho timor oan sira nebe mak oras ne’e komesa Involve aan iha droga no deskonfia nasaun Timor Leste sai transforma transaksaun Droga, governu Timor Leste liu husi Ministeriu Justisa hamutuk ho Ministeriu Negosiu Estranjeiru kria ona esbosu lei Droga hein atu aprezenta ba iha Konseilu Ministru (KM).
Informasaun ne’e fo sai husi Ministru Justisa Dionisio Babo katak to’o oras ne’e Timor Leste iha ona lei Droga, ministeriu Justisa prepara hela lei droga hein atu haruka ba iha konseilu ministru atu bele aprova tamba ema balun komesa uza timor atu sai fatin transaksaun kestaun droga.
“ Lei droga ita nian hein ita atu lori ba iha Konseilu ministru atu bele aprova ona tamba ita hare timor oan balun komesa involve aan ona iha droga no mos iha ema balun uza timor hanesan fatin atu transporta droga,” dehan Ministru Justisa Dioniso babo ba Jornalista Segunda (24/06) hafoin hasoru malu ho Ekipa jica iha Edifisiu Ministeriu Justisa Caicoli.
Nia hatutan timor ona balun komesa involve aan iha droga maske balun parte Policia Nasional Timor Leste kaptura tiha ona, tan ne’e governu Timor Leste liu husi Ministeriu Negosiu Estranjeiru halao akordu ho Malaysia atu halo teste ba droga nebe tama iha Timor. Informasaun kompletu iha STL Jornal no STL web, edisaun Tersa (25/6). Timotio Gusmão
