DILI- Raul Soares dos santos nebe Ministeriu Publiku notifika hanesan arguidu tamba deskonfia baku lezado Afonso Alberto hanesan membru Policia Nasional Timor Leste (PNTL) iha Gleno Ermera, wainhira Lezado ba halo atuasaun nebe arguidu ho nia maluk sira hakilar iha komunidade nia let hafoin hemu tua iha dalan ninin.
Bazea ba akuzasaun husi Ministeriu Publiku, akuza ba Arguidu Raul Soares dos Santos nebe Diario ne’e asesu Kuarta (03/07/2013) iha Tribunal Distrital Dili katak, loron 25/12/2012 iha Gleno Ermera, arguidu Raul Soares do santos hemu tua besik iha lezado Afonso Alberto nebe hanesan membru PNTL Distritu Ermera nia uma.
Rona lian husi Lezada arguidu tolok hasoru kedaas lezadu, hamate ahi ne’e hafoin arguidu tuku hasoru iha lezada nia hasan karuk dala ida. Ho hahalok ne’e Ministeriu Publiku akuza arguidu ho krime abstratu ba autoridade publiku kontra kodigu penal artigu 243.
Hafoin halo rekonsiliasaun entre arguidu no lezadu, lezadu perdua arguidu nia sala tamba arguidu kompri ona pena prizaun preventiva durante fulan 6 iha prizaun Gleno Ermera. Arguidu sai mai ho tanis no hakuak lezadu husu deskulpa ba lejadu no mos familia lezadu sira nebe marka prezensa iha Tribunal Distrital Dili. Informasaun kompletu iha STL Jornal no STL Web, edisaun Kinta (4/7). Timotio Gusmão
