DILI- Eis deputdu Vidal de Jesus ‘’Reak Leman’’ tenki ba tur iha Tibunal Distrital Dili, Tersa (18/2), tanba hetan akuzasaun husi Ministeriu Publiku (MP), deskunfia uza kareta Parlamentu Nasional (PN) ba aktividade kampania Partidu Sosial Democratiku (PSD).
Tuir akuzasaun husi MP nebe le sai husi juis singular Antonio Helder do Carmo katak, iha loron 26 Junho 2012, arguidu uza kareta PN ba Hera suku Duyung hodi halo kampania PSD, no iha momentu ne’e aktividade PN komesa la iha ona, tanba komesa halo fali kampania parlamentar.
Hafoin rona akuzsaun ne’e arguido Reak Leman konsidera akuzasaun ne’e la los hotu, tuir arguidu katak momentu ne’e nia ba duni iha Hera suku Duyung, maibe laos ba halo kampania. Nia ba hasoru eleitor sira, no iha Kampo Democrasia nee mos laos ba kampania. Maibe ba hasoru eleitor sira, i gasolina nebe nia uza mos privadu.
Momentu nee hau nia naran mos la iha lista kandidatu no ami hamutuk ho Mario Carascalao ho Maria Paixao sira hakarak entrega fali ba jerasaun foun, nebe hau la ba halo kampania iha momentu neba, dehan eis deputadu ne’e.
Iha alegasaun MP husu ba tribunal aplika pena multa ba arguidu, tanba aprovadu uza fasilidade estadu ba partidu, ida nee fo prezuizu ba estadu. Iha parte seluk defeza husu tribunal atu absolve arguidu, tamba laiha testamunha ida mak mai dehan arguidu uza duni kareta PN ba aktividade PSD. Informasaun kompletu iha STL Jornal no STL Web, edisaun Kuarta (19/02/2014). Domingas Gomes