DILI, STLNEWS.co – Governu liu husi Ministeriu Obras Publika (MOP) tau prioridade ba ponte Bekusi ho Kasnafar.
Tuir Diretor Nasional Estrada Kontrolu no Chea, Milton Ramanata de Castro Montero, katak Ponte Bekusi ho Kasnafar sai prioridade ba governu, tanba nee dezenhu sei finaliza iha tinan ida nee.
“Hau hanoin ponte Kasnafar ho Bekusi nee ita fo prioridade, agora daudaun iha faze finalizasaun ba dezenhu, fiar katak tinan ida nee dezenhu bele hotu hodi halo prosesu tenderizasaun ba ponte rua neebe mensiona, nunee tinan oin bele hahu prosesu konstrusaun,” dehan Milton ba STL iha JL Vila, Sesta (22/07/2022).
Tuir Diretor nee dehan, tipu ba ponte Kasnafar modelu hanesan ho ponte Tono neebe lokaliza iha Oekussi, tanba nee MOP halo hela kordenasaun ho linha ministeriais oinsa servisu hamutuk.
(mad)
