DILI-Reprejentante povu iha uma fukun Parlamentu Nasional (PN), kestiona maka’as fronteira Timor Leste nebe luan tebes, ho nune’e difisil atu kontrola sasan nebe’e ema lori tama mai ho illegal.
Preokupasaun ne’e hato’o husi membru komisaun B nebe trata ba asuntu Negosiu Estranjeiru, Defeza no Seguransa iha PN, deputadu Jacinto Viegas katak defisil duni atu kontrola sasan nebe tama ho illegal iha fronteira, tamba fronteira Timor Leste luan tebes.
Hau senti defisil duni ne’e realidade, tanba ita nia fronteira ne’e luan, depois ita nia efetivu sira nebe’e halo seguransa iha ne’e ba uituan deit, nebe’e hau hanoin labele kontrolu hotu ema nebe’e mak lori sasan illegal tama mai iha Timor Leste, hateten Deputadu Jacinto ba STL iha uma fukun PN, Tersa (26/11/2013).
Deputadu bankada PD Paulino Monteiro hateten, atu kontrola sasan sira ne’e, polisia iha fronteira mak tenki halo servisu maximu hodi kontrola ema sira nebe’e sai tama iha area fronteira. Informasaun kompletu iha STL Jornal no STL Web, edisaun Kuarta (27/11/2013). Jacinta Sequera
