DILI- Embaixador Timor Leste (TL) ba Suica Marciano Garcia da Silva, hasoru malu ho Prezidente Republika Taur Matan Ruak, hodi diskuti servisu Diplomata iha rai liur, promove TL nia naran iha mundu.
Hafoin halao enkontru ho Xefi Estadu, Taur Matan Ruak, Embaxador TL ba Suiça Marciano hateten hanesan embaxador ba rai liur nia mai hasoru Prezidenti hodi komprimenta inklui mos troka hanoin ba malu.
Hau hanesan embaixador iha liur, mai asina hau nia termus depose, depois komprimenta mos Prezidenti, Prezidenti mos hato ninia hanoin, oinsa diplomata sira iha liur, tenta halo esforsu hanesan mos preokupasaun nasional, hodi hatoo saida maka akontese iha ne’e, no saida maka atu hanoin atu halo.Hanesan mos iha rai liur, nebee dalabarak ema koalia konaba TL, husu para embaixador sira nafatin promove Timor nia hanoin no hakarak iha mundu, hateten Embaixador Marciano, ba jornalista sira hafoin remata inkontru ho PR Taur Matan Ruak iha Palasiu Prezidensial, Aitarak Laran, Dili, Tersa (14/01/2014).
Iha fatin hanesan Prezidente Republika Taur Matan Ruak apoiu sira nia servisu, tamba nee PR husu nafatin hakas aan servisu, hodi promove TL nia naran iha mundu. Informasaun kompletu iha STL Jornal no STL Web, edisaun Kuarta (15/1/2014). Joao Anibal