DIT Promove Kultura Iha Orientasaun

DILI – Dili Institute Of Technology (DIT), promove kultura liu husi orientasaun ba estudante foun tinan akademika 2017.

Liu husi intervista ba jornalista, Reitor DIT, Manuel Vong hatete, promove kultura liu husi hatais, koalia, nomos liu husi ema ida-idak nia atetude tomak, ho nunee bele rezerva kultura neebe agora iha, liu-liu ho globalizasaun, bainhira laprepara diak, bele lakon identidade kultura nee rasik.

Sistema orientasaun ba tinan nee, ho ninia baze fundamental mak oinsa ita atu promove ita nia kultura no akademiku, tanba nee, buat rua neebe mak sai baze fundamentu ba iha dezenvolvimentu umanu, liu-liu dezenvolvimentu iha DIT, tanba ita hotu hatene ema fo formasaun, maibe laiha baze kultural ida, ita bele lakon identidade, bainhira ita halo laiha fundasi diak, nee susar, tanba nee Timor, liu-liu DIT atu bele kontribui dezenvolvimentu umanu, liu-liu ba iha dezenvolvimentu baze kultura,” hatete Vong ba jornalista iha knua DIT Aimutin, Dili, Segunda (13/02/2017).

Reitor DIT Vong akresenta, tinan nee estudante hamutuk atus ualu neebe mak halao orientasaun. Fiar katak, sira sei sai rekursu umanus kualifikadu iha tinan hat mai, liu-liu iha area siensia no enjenaria, jestaun komersiu, turizmu, petroleum neebe mak fator determinante, no setor neebe mak DIT ofrese, fiar katak, sira sei halo buat ruma iha tinan 10 ou  20 mai.

Cerimonia Abertura Orientasaun Estudante DIT Tinan akademiku 2017 ho tema : HUSI IDENTIDADE KULTURAL MAK HAMOSI KREATIVIDADE INTELEKTUAL HODI HABELAR ARTE NO DESPORTU IHA SIENSIA NO TECHNOLOJIA

Iha fatin hanesan Prezidente eleitu DITSA, Venancio dos Santos hatete, konaba atributu iha orientasaun mak hatais tuir kultura Timor, oinsa mak orientasaun nee nian laran ema hotu bele uza identidade Timor, tanba kultura hanesan identidade neebe mak presiza promove diak liu tan.

Konaba atributu ita hatais tuir ita nian kultura ninia, oinsa mak iha orientasaun ida nee nian laran ema hotu-hotu bele uza identidade Timor ninia, tanba kultura hanesan identidade ida, atu nunee ita labele lakon ita nia identidade rasik, tanba nee, atu promove ida nee, ami husi DIT uza Sistema orientasaun nee haruka estudante sira uza deit tais, tanba agora  eraglobalizasaun, ema hotu hakarak hatais buat seluk neebe mak nasaun seluk nian, no kultura ita nia rasik bele iqnora ou haluha,” dehan nia.

Nunee mos Luisa Martins hanesan estudante foun neebe hili Turizmu, hatete, sira hahu halao orientasaun iha DIT, maske universidade barak, maibe  nia hili DIT, tanba hakarak atu kontinua estudu iha area turizmu.

“Ohin ami hahu halao ona orientasaun iha DIT, maske ita nia universidade nee barak, maibe hau hakarak hili DIT, tanba hau hakarak atu kontinua hau nia estudu iha area turizmu, tanba ita hatene katak, DIT nee iha kualidade neebe mak diak, no hetan akreditasaun  ho valor 100%,” dehan nia. Jacinta Sequeira/Guilhermina Franco

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...