DILI-Direcção Nacional Gestão de Desastres DNGD liu husi Departamento Preparação e Formação halao kampanha Sensibilizasaun Educativu rai nakdoko no tsunami ba Estudantes Escola Primaria iha Distrito rua.
Tuir reponsavel Secsaun Mitigasaun Julito Maia liu husi karta komunkadu imprensa nebee STL simu husi direisaun DNGD, fo sai katak maske Timor Leste seidauk ameasa husi Tsunami maibe Direcção Nacional Gestão de Desastres iha hanoin halao kampanha edukativu ba estudante sira husi ensino baziko ne’ebe mak besik iha tasi ibun, tamba sira ne’e mak area risku ba Tsunami ho ida ne’e mak sira bele hatene lalaok Tsunami nian tamba Tsunami wainhira akontese sira hatene ona oinsa mak prepara an akontesemento ne’e.
Iha obejetivu ida ne’e atu hasa’e konhesementu no sensibilidade ba labarik estudantes sira liu husi apresentasaun no animasaun konaba hahalok nebe presiza antes, durante no depois mosu rai nakdoko no tsunami, nune’e bele prepara-an ba hamenus sira nia vulnerabilidade hasoru rai nakdoko/tsunami.
Iha kampanha sensibilizasaun ne’e Direcção Nacional de Gestão de Desastres (DNGD) coopera hamutuk ho Ministério da Educação halao sensibilizasaun rai nakdoko no tsunami ba estudante sira iha Distrito Manatuto Sub Distrito Manatuto Vila no Sub Distrito Laclo. Informasaun kompletu iha STL Jornal no STL web, edisaun Sabado (22/6). Armandina Moniz