Durante Kampaina Kanprez, Situasaun Munisipiu Viqueque Kontroladu

DILI-Situasaun seguransa durante musima kampaina kanprez iha area Munisipiu Viqueque, kontroladu. Buat hotu lao diak hanesan babain. Komunidade neebe partisipa kampaina kanprez, lao hakmatek no nakonu ho konsensia, hateten Komadante PNTL Munisipiu Viqueque Superintidente Polisia, Antonino Mauluta.

Maske konsege mosu problema uitoan iha tempo kampaina maibe hanesan problema babain deit, laos problema seriu. Hanesan kanprez numeru sorteiu 2 atu halao kampaina laiha preparasaun tasak husi ekipa susesu maibe too hahu kampaina buat hotu lao susesu. Laiha problema nebee grave. I polisia sempre fo atensaun aas ba situasaun sira hanesan nee.

Esforsu polisia nee signifika katak, ami hotu servisu hamutuk  ho komunidade, lider parpol, no entidade sira seluk iha Munisipiu Viqueque. Ami hotu servisu hamutuk,” hateten Mauluta ba jornalista hafoin remata serimonia distribui materia sensetivus eleisaun presidensial iha Dili, Tersa (14/3/2017).

Atu hasoru eleisaun presidensial neebe oras nee dadaun iha prosesu preparasaun nia laran, Tersa horsehik CNE komesa fahe materia sensetivus. Ba area Muinisipiu Viqueque, buat hotu preparadu.

Iha area Munsipiu Viqueque, nia dehan, sentru votasaun iha 54. Membru PNTL komesa fahe ona ba kada sentru votasaun. I kada sentru votasaun, sei koloka polisia nain rua ka tolu. Fatin neebe identifika, sente perigu uit oan, Komandu PNTL Munisipiu Viqueque sei koloka polisia nain 3, no ba iha fatin neebe ninia risku ladun ou sente hanesan babain, sei koloka  polisia nain 2. Polisia feto mos inklui hotu ba seguransa eleisaun nee.

Membru polisia neebe prepara ona hodi asegura seguransa, Mauluta hateten, PNTL Munisipiu Viqueque neebe koloka hodi asegura eleisaun presidensial iha area Munisipiu Viqueque, hamutuk nain 151, no aumenta tan husi Komandu Jeral PNTL nain 34. Konta hamutuk nain 185. Sira nee sei koloka ba sentru votasaun 54.

Ami fiar, ami  sei asegura diak ba eleisaun presidensial. Situasaun sei lao diak no kontroladu. Komunidade mos apoiu, nunee mos lider politiku no entidade hot-hotu iha lina kordenasaun diak ho Komando PNTL Viqueque. Hakarak ka lakohi, ita hotu tenke hamutuk hodi asegura prosesu eleisaun presidensial para labele iha prroblema oioin,” hateten Mauluta.

Iha fatin hanesan Komadante PNTL Munisipiu Ainaro Superintidente Polisia, Justinho Menezes hateten, durante iha tempu kampania husi kandatu Presidente Republika  husi numeiru  sorteu  1 too 8 la iha problema, hanesan la iha asidente grave no problema grave neebe maka durante kandidatu Presidente hirak nee halo sira nian kampania politika iha munisipiu Ainaro tamba akasaun no prevensaun nee husi komandu halo tiha ona .

Nia parte  husu   partidu politiku lider partidu politiku  autoridade lokal komunidade veteran no presidente autoridade munisipiu Ainari hsmutuk halo komprimisiu ida hodi fo garanti ba elisaun  Pressidensial neebe maka lakleur tan ita atu halo bele lao diak no partisipasaun povu bele diak hodi lori susesu ba eleisaun nee.

Kazu Asidente

Alende seguransa eleisaun prezidensial, Komandu PNTL Munisipiu Viqueque komesa Janeiru 2017 too agora, konsege rezista kazu asidenti trafiku 6 maibe larezulta ema mate. Alende nee, sira mos rejista kazu kazu seluk konaba violensia domestika. Natalino T.da Costa

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...