Edifisiu Foun MF Seidauk Uza, Presiza Hare Kontratu

DILI- Edifisiu foun Ministeriu Finansas (MF) neebe too agora seidauk Uza, Sosiedade Sivil husu tenki hare fila fali kontratu entre Kompnia ho governu tamba gasta osan estadu barak maibe husik abandona.

Tuir Diretur Luta Hamutuk Mericio Akara katak edifisiu foun Ministeriu finansas neebe too agora seidauk uza, senti triste tamba gasta osan estadu nian maibe la uza didiak investimentu neebe iha.

Ita hare kondisaun fizikamente komesa iha problema, ita tenki husu fila fali prosesu kontratu ho kompania liu-liu sira nia responsabilidade, ita la kuidadu didiak ita gasta osan ba buat neebe ita seidauk presiza,” dehan Akara ba Jornalista Kuarta (30/03/2016) iha Palasiu Governu.

Nia hatete kompania neebe mak halo projetu nee bele intrega ona ba governu, maibe iha periode balun neebe presiza halo manutensaun tamba nee tenki cek kada fulan 6 ou tinan 1.

Akara hatete governu halo kontratu neebe barak maibe menus kontrolu mak too agora seidauk uza tan nee presiza hare didiak kontratu neebe mak governu halo ho kompania.

Iha fatin ketak deputadu bankada CNRT Arao Noe hatete edifisiu Ministeriu Finansas fizikamente hotu ona, maibe ninia instalasaun iha laran mak seidauk kompletu. Informasaun kompletu iha STL Jornal no STL Web, edisaun Kinta (31/3/2016). Timotio Gusmao

LEAVE A REPLY

Please enter your comment!
Please enter your name here