EDTL Baucau Instala Prepagu 10.000 Resin

BAUCAU-Electrisidade de Timor Leste (EDTL) Munisipiu Baucau, instala ona pontador prepagu 10.000 resin ba konsumedores. Ho prepagu nee, komunidade sira bele kontribui ona ba tasa estadu.

Diretor EDTL Munisipiu Baucau, Paulino A da Costa neebe hasoru iha ninia servisu fatin, Baucau Vila Nova, Kinta (9/3) hateten, alende prepagu, durante tinan 2016, sira konsege rejista konsumedores 16 mil resin.

Prepagu rihun resin nee, sira instala komesa husi Postu Administrativu Baucau, Vemasse, Laga, no Venilale. No sei iha tan linha eletrisidade foun neebe sei iha projetu nia laran. Tuir planu, EDTL Baucau sei instala prepagu ba uma komunidade hot-hotu neebe asesu EDTL.

Konsumedor balu ate agora sedauk monta prepagu tamba kestaun orsamentu. Maibe sei fiar, iha tempu besik sei instala hotu ba linha foun nebe iha. Maske pesoal EDTL Baucau limitadu maibe parte teknika esforsu lao tuir uma hodi kontrola sira nia linha eletrisidade. Objetivu konrtolasaun nee hodi prevene liga ahi ilegal.

Oras nee dadaun tempu udan no anin bot nebe halo eletrisidade avaria iha fatin balun nebe parte tekniku sei ba hare. Defikuldades nebe hetan durante iha terenu maka pesoal EDTL nebe limitadu, Estrada at no presija trasporte nebe ho kondisaun diak atu bele uja ba iha areia hirak nebe luan teb-tebes.

Lia menon ba konsumedores tomak iha munisipiu ida nee katak uluk imi hotu hakarak rai RDTL atu ukun rasik an lalais, maibe mehi imi nia realidade ona. Entaun agora imi rasik maka sei proteje imi nia linha enerjia eletrisidade atu fo kontribuisaun atu enerjia nebe iha bele funsiona nafatin iha imi hotu nia fatin.

Parte seluk Xefe Suku Tirilolo Ricardo Ernesto Belo, haktuir katak linha eletrisidade nebe lao oras nee dadaun iha suku neen nebe iha ona maibe iha Aldeia Lutumutu no Aldeia Betulale maka oras nee dadaun hetan ona prepagu husi EDTL. Maibe falta Aldeia haat nebe sedauk tama maka hanesan Aldeia Caisidu, Oso-Ua, Parlamentu, no Lia-Lesu.

Tamba nee maka husu ba parte EDTL munsipiu atu bele ba establese heneba. Tamba durante nee iha aldeia refere kuandu ahi mate sira laberani bok maibe sou hein deit husi parte tekniku husi EDTL maka bele ba hare. Iha Aldeia Caisidu hamutu totalpopulasaun 7471 no total uma kain hamutuk 1465, tuir dadus estatistika 2016 nian.

Ami iha suku nee aldeia rua husi aldeia neen nee maka hetan ona prepagu eletrisidade maka hanesan Lutu Mutu no Betulale. Maibe husi aldeia seluk oras nee dadaun hein teknika EDTL nian atu ba relija ona neba,”nia kualia.

Parte seluk komunidade husi suku Tirilolo Alcino A. Belos mos dehan katak eletrisidade buat ida importante atu bele halo aktividades seluk atu buka osan hanesan benkel, loke kios no seluk tan mos presija enerjia. Maibe konsumedor mos iha nia dever atu bele selu taxa ba estadu liu husi kontribuisaun husi uma kain idak-idak.

“Eletrisidade bah au importante tebes atu it abele halao ita nia kreatividades hirak hanesan benkel, kios ka loja sira. Maibe ita mos iha dever hanesan konsumedor bele kontribui ba selu taxa ba estadu nian,”nia tenik tuir. Est4

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...