DILI-Edukasaun importante ba future Nasaun Timor Leste (TL), tamba nee iha 2014, Governu sei rai osan hodi hadia kondisaun eskola iha Timor laran tomak.
Kestaun ne’e hato’o husi Primeiru Ministru (PM) Kay Rala Xanana Gusmão ba jornalista sira, katak nia hatene ona kondisaun eskola iha Timor Laran tomak, tamba ne’e governu sei tau osan atu hadia eskola hirak ne’e.
Hau hatene ona eskola sira aat, eskola sira ekipamentus la iha, bee no sintina la iha, maibee derepenti deit hau la bele halo kalkulu ida.Tamba nee hau sei tau osan iha neba, tinan mai nee la bele loke eskola tan, maibee hadia deit eskoal nebee iha.Ita hakarak edukasaun sai diak ba future, tenki hahu husi kraik, tamba nee iha tinan mai nee hau sei la rona tan eskola ladiak, sala la iha, meza kadeira la iha, hau sei la simu tan, tamba osan hau tau ona, hateten PM Xanana ba Jornalista iha MNE, Pantai Kelapa, Dili, kuarta (18/09/2013).
PM Xanana hateten durante nee mosu problema iha parte edukasaun, Xefi Governu haruka sira halo mapamentu, intrega ona, tamba nee Xefi Governu agora buka osan hodi hadia eskoal sira nebee kondisaun la diak. Informasaun kompletu iha STL jornal no STL Web, edisaun Kinta (19/9). Ekipa