Eleisaun Halo Primeira Ronde, Para Poupa Osan

DILI – Deputadu Jorge da Conceição Teme husi bankada Frente Mudansa hateten, koalia poupa osan iha eleisaun jeral Prezidensial neebe maka Ministru ESTATAL Deonisio Babo hateten, nee hanesan retorika deit, tanba atu garante povu nia direitu nee tenke gasta osan.

Desklarasaun nee deputadu Jorge hato hodi responde ba deklarasaun neebe maka Ministru Estatal Deonisio Babo hakarak eleisaun Prezidensial hakarak halo permeira ronde deit, para poupa osan.

Osan gasta barak tebes ba projetu sira laiha retornu, Governu kontinua investe taka matan, labuka poupa osan hirak nee. Maibe Governu hakarak poupa fali osan ba eleisaun ida neebe importante tebes, iha neebe hetan partisipasaun direita husi povu hodi hili nia prezidente.

Ho kestaun ida nee ema hotu bele tau duvidas ba orgaun eleitoral sira, maibe ema hotu tenke tau konfiansa nafatin atu labele iha manipulasaun iha eleisaun Prezidensial, neebe maka sei halao iha loron rua nuluh fulan marsu tinan ida nee.

“Ita kolia poupa osan nee hau hanoin lahetan ona, ita bosok aan deit nee hanesan atu hamidar deit ibun, ita memang lapoupa duni osan, ita gasta arbiru maka barak, neebe eleisaun nee festa demokrasia neebe povu partisipa atu ezerse sira nia direitu de votu,” dehan deputadu Jorge ba STL, iha PN, Dili, Tersa (21/02/2017).

Gasta osan tuir deputadu Jorge katak, uza ba povu hodi halo eleisaun nee diak, maibe bainhira uza osan nee sosa fali votus nee injustisa. Tanba uza osan nee atu kria kondisaun ba povu sira neebe defisiente, ferik katuas lao labele ba to sentru votasaun atu vota.

Iha fatin hanesan Direitor Ezekutivu Fontil Arseino Pereira, prosesu nee lao prmeira ronde deit diak, tanba dimenuhi depezas ba estadu, mais tama fali ba segunda ronde tempu no mos tenke iha despezas barak no servisu barak neebe aumenta.

Vise Ministru ESTATAL Tomas Cabral hateten, husi neebe maka ronde ida, mandatu kontitusional dehan kandidatu sira lahetan votus sinkunenta pursentu ba segundu volta, neebe ida primeiru volta segundu seidauk hatene. Carme Ximenes

 

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...