Emprezariu Husu Aumenta Osan Kreditu

DILI – Emprezariu Timor oan husu governu aumenta tan orsamentu ba fundus kreditu Setor Privadu hodi halo investimentu ba ekonomia rai laran.

Tuir membru CCI-TL Mateus de Arajo  hateten, setor ekonomi iha Timor Leste (TL) atu lao diak maka governu tenke loke tan banku atu nunee, bele fasilita diak liu tan setor privadu sira asesu ba kreditu, nomos aumenta osan iha banku BNCTL para setor privadu bele asesu ba kreditu hodi hadia ekonomia rai laran.

Ita hare ba oin, TL sei sai membru ASEAN, merkadu nakloke ba ema  mai investe maibe, hare ba Rekursu Umanus setor privadu rai laran, seidauk sufisente atu kompete iha merkadu livre nee, ita sei lakon,”informa Mateus de Arajo  ba STL (23/02/2017) iha Akait.

Nia mos informa liu tan katak, setor privadu sira susar atu asesu kreditu, maske Governu tau ona osan 5 Milloens iha Banku atu fasilita setor privadu sira, maibe hare ba osan 5 milloens nee la sufsiente, emprezariu barak tebes, fasilita deit atividade negsiu kiik iha rai laran, tanba nee husu ba governu tenke aumenta osan iha banku hodi fasilita setor privadu asesu kreditu.

Iha fatin hanesan Diretur Jeral Camara Komersiu Industria Timor Leste (CCI-TL) Nuno Trindade mos hateten, CCI-TL hanesan mahon ba setor privadu rai laran tan nee, buka nafatin dalan atu koalia ho Banku Komersial sira neebe maka eziste iha rai laran, bele fo kreditu ba Setor Privadu.

Hau hanoin ekonomia TL atu lao diak maka, governu tenke kria tan banku atu nunee bele fasilita atividade setor privadu rai laran, maske oras nee governu tau ona osan iha BNCTL atu fasilita sira hodi asesesu kreditu maibe, jurus neebe banku fo nee aas tebes, halo setor privadu sira la barani atu impresta osan,”informa nia.

Nunee mos Deputadu Adriano Joao, liu husi deskusaun Orsamentu Jeral do Estadu tinan 2017, governu planu ona atu loke tan banku ida hodi fasilita atividade setor privadu sira nian hodi hadia ekonomia rai laran.Madalena Horta

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...