Ensinu Superior Husu ANAAA-ME Fo Sai Rezultadu Avaliasaun Programtika

DILI – Ensinu superior husu ba Ajensia Nasional Avaliasaun Akreditasaun akademika  (ANAAA), no Ministeriu Edukasaun (ME), atu bele fo sai rezultadu avaliasaun programatika neebe mak halao iha tinan 2016, maibe too agora nia rezultadu seidauk fo sai ba publiku.

Lamentasaun nee hatoo husi Reitor DIT, Manuel Vong, hafoin partisipa iha debate Dili Democracy Forum, hatete, durante ANAAA halo tiha ona avaliasaun ba iha instituisaun 11, maibe nia rezultadu too agora seidauk fo sai ba iha publiku.

Hau hanoin durante nee liu husi Ajensia Nasional Avaliasaun Akreditasaun akademika halo tiha ona avaliasaun ba iha instituisaun 11, maibe ninia rezultadu too agora seidauk fo sai ba iha publiku, tanba ita hakarak atu hatene katak, husi rezultadu nee bele sai hanesan refrensia ida ba iha instituisaun superior sira nee, para bele hetan sira nia rezultadu neebe mak halao husi ANAAA, tanba ho rezultadu nee bele tulun universidade sira para atu hadia liu tan sira nia kualidade,” dehan Manuel ba STL hafoin partisipa iha Dili Democracy Forum iha knua STL  Surik-Mas, Dili, Kinta (09/03/2017).

Nia hatete, ida konaba aspeitu instituisional neebe mak halao iha tinan 2015 seidauk fo sai, ida seluk mak konaba avaliasaun programatika neebe mak halao iha 2016, maibe too oras nee seidauk fo sai, no espera katak, iha tempu badak nia laran, ME bele pronunsia osialmente rezultadu husi avaliasaun programatika nee.

Iha fatin hanesan Diretor Ezekutivu ANAAA, Edmundo Viegas hatete, hanoin rezultadu nee mos too agora sei pendente hela, maibe iha tempu badak nia laran ANAAA ho Ministeriu Edukasaun, bele fo sai rezultadu ida nee ba iha ensinu.

Hatan ba preokupasaun nee, vise Ministru Edukasaun II, Abel Ximenes, nia hanoin sira neebe mak involvidu iha akreditasaun avaliasaun programatika nee husi peritus nasionais, internasionais, nee hanesan treinu boot ida ba sira para sira nia kbiit nee too iha neebe, hanesan auto avaliasaun. Jacinta Sequeira

 

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...