Envolve Iha Vida Politika, Feto Ho Mane Presiza Fo Korazen Malu

DILI-Autoridade lokal konsidera bainhira atu involve aan iha vida politika, feto ho mane presiza fo korazen ba malu, tanba lei fo dalan ba sidadaun hotu.

Tuir xefi suku  Bairo-Pite, Joao Baptista katak Feto mos iha direitu atu bele partisipa iha vida politika, tanba lei fo dalan, atu feto sira iha direitu tomak hodi bele partisipa iha kualker atividade, no labele taka dalan, tanba nee, presiza feto ho mane fo korazen ba malu.

Presiza feto ho mane sira bele fo korazen ba malu, tanba nee, hau hanesan xefi suku, hau sempre fo korazen ba feto sira iha hau nia suku laran katak, feto tenke hatudu brani hodi bele kompete ho mane sira iha eleisaun jeral neebe mak ita sei halao iha 2017,” hatete Joao ba STL liu husi via-telefone, Tersa (11/10/2016).

Lider lokal nee akresenta, atu partisipa iha vida politika nee la haree ba ema nee feto ka mane, maibe lei fo dalan sidadaun hotu atu bele partisipa, tanba nee, apela ba feto sira hotu presiza aumenta  koinesemetu, hodi bele kompeteho mane sira iha eleisaun jeral.

Iha parte seluk, xefi suku Caicoli, Hipolito Marques Sarmento hatete, feto ho mane iha direitu hanesan, hodi bele kompete iha eleisaun jeral, tanba feto mos iha direitu hanesan ho mane sira, maibe oinsa mak feto sira nia preparasaun hodi bele tama iha eleisaun jeral 2017.

Nunee mos  xefi suku  Becora, Antonio da Silva, fo korazen nafatin ba inan feton sira, tanba 2017   Timor oan hotu sei  halo eleisaun jeral ba prezidente no parlamentu, neebe iha fulan ida nee nia laran sei halo  eleisaun ba xefi suku no xefi aldeia. Informasaun kompletu iha STL Jornal no STL Web, edisaun Kuarta (12/10/2016). Jacinta Sequeira/Guilhermina Franco

LEAVE A REPLY

Please enter your comment!
Please enter your name here