Estadu La Iha Osan Mean Hodi Selu Povu Nia Terus

NATARBORA – Prezidente Republika (PR) Taur Matan Ruak hateten Estadu Timor Leste (TL) la iha osan mean no mutin hodi selu povu nia terus neebe luta durante tinan 24, maibe Prezidente lori estadu nia naran hatoo obrigadu ba povu tomak.

Antes Prezidente Taur hatoo obrigadu ba povu suku povu Uma Boku no Abat Oan, neebe durante fo kontribuisaun ba funu ida ne too TL hetan indepedensia, liu husi dilogu komunitaria, Prezidente ba vizta uluk ruin saudozu sira iha, neebe Komisaun Homenazen rekolla, no rai hela iha Osoariu Natarbora.

Ita nia luta nain sira nee luta no mate tanba ita nia rain, ohin lorin Komisaun Homenazen sira rekolla seidauk hotu, too ohin loron Timor ukun aan ita goza no sira nia familia barak maka sei faluk oan kiak, alizadu no balun sei terus, tanba nee estadu la iha osan mean no osan mutin hodi seluk, maibe hau lori estadu nia naran hatoo obrigadu barak ba imi, tanba ho imi nia esforsu Timor hrtan indepedensia, neduni imi maka sai heroi ka Pahalawan nasaun nia,” hateten PR Taur, liu husi dialogu komunitaria ho Suku Uma Boku no Abat Oan, Postu Adminstrativu Natarbora, Munisipiu Manatuto, Segunda (05/09/2016).

Xefi Estadu nee mos aumenta tan katak ho povu nia luta hodi liberta rai ida nee, laos Taur Matan Ruak sai Prezidente, maibe luta ba ukun aan atu hetan moris diak, tanba nee Prezidente nafatin tun ba baze, hodi tuku povu nia odamatan atu hamutuk tan dala ida hodi luta hasoru kiak no mukit.

Iha fatin hanesan Xefi Suku Uma Boku Felisiano Baptista orgullu ho Xefi Estadu nia vizita ba sira nia suku, tanba nee Xefi suku nee rasik hatoo benvindu no obrigadu ba Prezidente, tanba vizita sira hodi hare direitamente ba povu nia susar no terus.

Xefi Suku nee mos aumenta tan katak Prezidente rekuinse povu nia terus durante iha funu nia laran, maibe agora mos kontinua terus, tanba povu barak sei terus no kiak, sira husu prezidente liu-liu governu tau matan ba povu nia terus. Informasaun kompletu iha STL Jornal no STL Web, edisaun Kuarta (7/9/2016). Joao Anibal

LEAVE A REPLY

Please enter your comment!
Please enter your name here