Estrada Ermera Laiha Kualidade, PR Taur Fo Sala MOPTK

Catrai Craik- Prezidente Republika (PR) Taur Matan Ruak kestiona kapasidade kompana Timor oan sira kaer prozetu ba Estrada la iha kolidade, nee laos sala kompana deit, maibe sala mos Ministeru Obras Publika I Trasporta Telekomunikasaun (MOPTK) nia, tamba la iha kontrola.

Lia hirak nee hatoo husi PR Taur, liu husi dialogu Aberta ho komunidade Suku Catrai Craik, Postu Admistrativu Letefoho, Munisipiu Ermera, Kuarta (29/06/2016).

Kompana Timor oan kaer prozeitu halo kualiade ladiak, maibe laos sala sira nia deit ,nee sala mos MOPTK nian tanba laiha kontrola, ita iha problema mais la hatene se mak atu fo sala se, ita halo ladiak ita mak sei gasta osan bebeik tanba nee, ita tenke aprende hodi halo diak liu iha futuru,” hateten Taur.

Xefi Estadu nee mos haklean tan katak Kompana internasional nee PR mos konsidera los duni halo la iha kualidade, tanba tinan lima ona mos seidauk hotu maibe espera antes Xefi Estadu nia mandatu ida nee hotu, sei ezije sira para finaliza tiha Estrada nee.

Iha fatin hanesan Komunidade Suku Catrai Leten Romaldo de Jesus hateten kompana Timor oan sira nee kaer prozetu halo Estrada iha Timor laran, liu-liu Ermera, diak liu fo ba kompana estranjeiru, lalika fo ba kompania Timor oan, tanba sira durante nee sira servisu halo Estrada kolidade la diak. Informasaun kompletu iha STL Jornal no STL Web, edisaun Kinta (30/6/2016). Joao Anibal

LEAVE A REPLY

Please enter your comment!
Please enter your name here