Estrada Kotu, Influensia Movimentu Ekonomia

DILI Kondisaun Estrada husi Maliana kota ba too iha Bobonaro kotu fo impaktu ba povu agrikultor, atu lori produtu lokal asesu ba merkadu, no tarifa transporte mos folin sae, tan nee husu ba Ministeriu kompotente atu toma konsiderasaun.

Preokupasaun nee hatoo husi Reprezentante povu iha uma fukun Parlamentu Nasional (PN) Deputadu, Adriano Joao liu husi sesaun plenaria, Tersa (07/02/2017) iha nia knar fatin PN.

Ami preokupa tebes ho kondisaun Estrada husi Maliana kota ba too Bobonaro kotu, tanba semana ida resin ona udan la fo fatin, no povu agrikultor sira mos labele lori sira nia produtu lokal mai merkadu, no aat liu tan maka tarifa transporte folin sae tanba dalan kotu maibe movimentu sira nee obriga aan atu halo operasaun,” informa Deputadu Adriano Joao.

Nia mos informa liu tan katak, alende estrada husi Maliana ba Bobonaro, Estrada husi Atabae ba too Maliana kota mos balun hahu aat, tanba nee husu ba Ministeriu kompetente atu toma konsiderasaun, atu nunee labele fo impaktu ba movimentu ekonomia.

Iha fatin hanesan Deputadu Domingos de Carvalho mos hatutan katak, estrada neebe aat laos Maliana ba ba Bobonaro deit, maibe husi parte Gleno ba too iha Postu Administrativu Atsabe mos kotu.

Hatan ba Preokupasaun nee Sekretariu Estadu interinu Asuntu Parlamentar Nelio Isac Saramentu hateten, Preokupasaun Deputadu sira nee sei hatoo ba iha Ministeriu relevante atu nunee bele toma konsiderasaun. Madalena Horta

 

LEAVE A REPLY

Please enter your comment!
Please enter your name here

NEWS UPDATE

Kandidata An Ba PR, Labele Sai Opozisaun Ba Instituisaun Estadu

DILI, STLNEWS.co – Jurista Timoroan husu ba sidadaun se deit maka atu kanidata an ba Prezidente Republika, tenke hatene funsaun PR nian. Tuir Jurista Sergio...

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...