Estraga Sasan Dapur, Atuk Selu Indimizasaun $200

DILI-Arguidu Arthur tenke simu pena suspensaun tinan tinan hat no selu indimizasaun hamutuk $200 ba lezada Rosantina Amaral tanba halo agresaun fisika no estraga sasan dapur lezada nian.

Liu husi leitura sentensa, tribunal aplika pena suspensaun tinan hat no selu indimizasaun hamutuk $200 ba arguidu Arthur tanba provadu halo agresaun fisika hasoru lezada nomos estraga sasan dapur.

Tuir akuzasaun husi Ministeriu Publiku katak, iha loron 15 de Desembru 2014 tuku 17:00 loraik arguidu ho lezadu nia ferik oan horus malu tanba uza sanan hodi tein. Rona ida nee arguidu Arthur ho nerfozu baku rahun sasan dapur hanesan sanan, tasu, bikan no kopu. No arguidu tuku dala ida iha lezada nia kakorok parte los, tebe dala ida iha kelen parte karuk, sama iha kabas los no sama iha kotuk laran. No lori katana atu taa lezada maibe la kona.

Hatan ba akuzasaun nee arguidu deklara katak, akuzasaun nee balun los no balun lalos. Laos ameasa lori katana taa sira, maibe basa dala ida iha nia hasan. Relasaun lezada ho arguidu hanesan maun nia kaben. Arguidu baku, tanba lezada rakut no les nia kaben. No arguidu tenta atu sori fodik, maibe lezada la fo fatin neemak liman kona iha ain.

Iha fatin hanesan lezada hatete, arguidu tuku iha kakorok, tebe iha kelen, sama iha kabas no sama iha kotuk laran. Tanba lezada hasee arguidu nia kaben neebe mak foti nia sanan hodi tein. Basaa antes nee sira iha ona problema, neemak iha momentu neeba ba iha polisia arguidu sira mak dehan ba polisia katak ida-idak uza nia sasan para labele mosu problema. Ho ida nee lezada mos halo tuir deit, maibe ikus arguida nia kaben mak uza uluk fali. Informasaun kompletu iha STL Jornal no STL Web, edisaun Sabado (20/2/2016). Domingas Gomes

LEAVE A REPLY

Please enter your comment!
Please enter your name here